2013/07/03

千層芝麻糕


cooking-017



// 街逛不了那麼多, 也沒有很多錢去買衫買鞋

// 最好消磨時間的方法, 不是看書, 就是煮飯

// 書, 我常怕看完就沒書看了, 都看得很憐惜

// 唯有煮飯, 是不用花大錢, 也不怕煮了這個那個後就沒得煮

// 由看食譜開始; 買材料; 準備器具; 洗切食材; 煮; 拍照; 吃; 洗碗; 編制相片; 上傳相片; 寫食譜; 寫blog... 可以消磨一整天~~~~~~ 很好嘛, 讓我很忙~~~~~~

// 朋友在今星期六辨potluck lunch 作house warming, 那團朋友要求我作中式甜點, 真識食!

// 之前給他們做過芝麻糊和糖不甩, 不可以再做糊類糖水, 也過不了自己用紅豆沙打發他們, 左想右想, 蛋撻太難沒時間研究, 那在我的to cook list 裡下一個就是椰汁糕了

// 在找椰汁糕食譜的時候, 給我找到這個芝麻糕食譜, 看來很好吃啊!! 好啦, 轉軚, 一於做芝麻糕~

// 上星期跟原食譜做了一次, 做法很麻煩很花時間呢, 又要做很細滑的芝麻漿, 之後的蒸煮每層六分鐘, 假如要做九層的糕, 單是蒸煮就要54 分鐘... 這是我入廚史以來第三位麻煩的菜式 (第一位是焗豬扒飯, 第二位是西米布甸)

// 第一次的成品還可以, 不懂得一層的糕是多少份量, 於是成品只有四層, 每一層太厚了。而且個人口味, 覺得原食譜的芝麻太多了, 糕也有點實, 只吃三四件已經覺飽, 於是今次再做, 在食譜上修改了一點配合個人口味

// 自己改了的食譜, 果然就是自己想要的味道~ 成功~

// 看我果然是太多時間了吧?! 把芝麻糕切成小方塊排在碟上, 還找來北極熊當陪襯拍照, wa hahahaha

// 那些剩頭剩尾不是正方型的芝麻糕拌了花奶給室友吃, 她也是大叫著好味道~ 我現在正「收買」人心, 希望室友因為美食而留下來



cooking-018

無聊仔, 把芝麻糕排成這樣來拍照



千層芝麻糕 (四至六人份)

(霸氣上名字要叫作「千層」, 技術上這糕只是八層罷了)



材料:

芝麻, 80g (原食譜為100g)

馬碲粉, 65g

沾米粉, 15g

水, 650ml (原食譜為600ml)

片糖, 一條半 (原食譜為砂糖170g, 個人喜歡黑芝麻配片糖, 比較香)

油, 半茶匙



工具:

八吋蛋糕盤, 一個 (又或任何可以蒸煮的器皿)

湯殼, 一個



做法:

1.黑芝蔴以白鑊炒香, 放至稍涼。

2.用500g清水分次與芝蔴同置攪拌機中, 攪成芝蔴漿。期間需要將芝蔴漿隔渣, 重複將大粒的芝麻渣打成細粒。

(這個芝麻糕所用的芝麻漿不同芝麻糊, 芝麻糊吃到一點粗粒也沒關係, 但芝麻糕要滑一點, 所以芝蔴漿一定要打得幼細。)

3.將芝蔴漿與糖同放入煲中, 以慢火將糖煮溶, 待凉。

4.準備蒸煮用的水和工具, 我家沒有高科技的Miele 蒸爐, 就以最傳統的鐵鍋配蒸籠作蒸煮工具。

5.馬碲粉及粘米粉用150g水調勻至沒有粉粒後加入半茶匙油, 再將油拌勻至看不到油花, 過篩倒入稍涼了的芝蔴漿中, 再次拌勻。

6.在蛋糕盤內塗一層簿簿的油, 放入已滾熱的蒸籠裡。

7.倒入一湯殼的芝麻漿在蛋糕盤中, 掃平; 以中至大火蒸大約二至三分鐘或至凝固。

(這是我做第二次後所得的經驗, 一湯殼的份量倒入八吋的蛋糕盤, 剛好造成一層2mm 厚的糕, 大約蒸兩分鐘, 可以做到八至九層。)

8.重複倒入芝麻漿和蒸煮這步驟, 直至芝麻漿用完為止。

9.蒸完後的芝麻糕離火攤凍, 脫模後切件, 完成。


小貼士:

1.每次將芝蔴漿倒進糕盤前, 芝麻漿必須再次拌勻。

2.芝麻糕雪凍後加花奶吃, 好味~ 我一個人可以三日內清晒一底糕! 肥… 於是近日狂做sit up! 運動是為了可以吃更加多~~~~




6 comments:

Anonymous said...

每層蒸6分鐘..睇到都暈@_@
反而呢,讀過你教焗豬肉乾的食譜,看來不很難,相信我都做得來,但碎豬肉的份量是多少呢?成品能放多久呢?
又,你真係幾多才多藝囉。

問題少婦YK

viviberries said...

YK, 原來你係少婦!!! 真係好, 我都好恨嫁~~~~~~~~~~

個芝麻糕唔洗每層蒸六分鐘啦, 假如薄薄地一層, 每層蒸兩分鐘就OK 啦~ 不過都係好煩, 又要整個漿又要蒸.

我已經唔記得豬肉乾點整lu~~~~ 我整過兩次都係燶燶地, 你可以試下, 試完話我聽成唔成功啦~

viviberries said...

少婦YK, 我再睇返豬肉乾個食譜, 果度應該大約250-300g 免治豬肉, 同埋呢, 而家我煮飯經驗值高左, 我覺得150℃ 每面焗5-6 分鐘就OK 啦. 之前都係焗到柴皮, 應該係焗得太耐.

Anonymous said...

諗落自稱少婦真係面皮幾尺厚,大你幾年架我,知唔知醜嘅呢真係XD
雖然你嘅成品有啲燶邊,但就係見夠真實感先向你請教,而家照跟你advise嘅份量同時間,成功左影相俾你睇吖。
又, 你進化到咁多才多藝,香港大把女仔唔夠你fight,講堅!

YK

viviberries said...

少婦YK, 大我幾年都係好"少"之嘛~~~~~ wahahahaha~

你個豬肉乾整左無論成唔成功都話過我聽呀, 等我都知道點改個份量同時間.

btw, 我想進化到恐龍咁呀, 絕晒種果隻~~~~ 最好做暴龍, 很是霸氣~ 吼吼吼~~~~

Anonymous said...

好呀,掂唔掂我都會影相過你睇。
霸氣一面收密啲,必要時先好釋放出嚟,男人眼中,應該還是小鳥比較吸引嘛~

YK